💡 Formaclown 10-15ago'17

en Vilagarcía. Info 981582836 

Festiclown. Festival Internacional de Clown de Galicia

Formaclown 2017

Tacháaan! Habemus Formaclown 2017! No marco do Festiclown, Festival Internacional de Clown de Galicia, un ano máis do 10 ao 15 de agosto no Concello Vilagarcía De Arousa seguimos creando canteira! Buscamos futurxs clowns que se queiran formar con estxs profesorxs de primeiro nivel! Antón Valén, Laura Mandarina Muñoz, MAGO TETO. Non o perdas!
Máis información en https://www.festiclown.org!!!

Obradoiros Formaclown 2017 9-15 de agosto Vilagarcía

Neste Festiclown programamos tres obradoiros de clown e maxia:

  1. O clown: do ridículo ao cómico. Antón Valén. Mércores 9 e xoves 10 > 120 euros  16 horas
  2. Curando co riso. Laura "Mandarina" Muñoz. Venres 11 e sábado 12 > 80 euros 12 horas
  3. Maxia Cómica. Mago Teto. Luns 14 e martes 15 > 100 euros 12 horas

Desconto de 50 euros para persoas inscritas nos 3 obradoiros antes do 30 de xuño (250 euros en total).

- Prazo de inscrición aberto até o 4 de agosto. Prazas limitadas. De cubrirse o cupo antes desa data, a organización resérvase o dereito a pechar o prazo.

Como inscribirse:
- Envía un correo co teu nome e apelidos, teléfono e correo electrónico e os obradoiros nos que desexas participar a info@festiclown.org. Para confirmar a túa participación, enviaráseche a indicación para realizar o ingreso do importe da matrícula, e será co envío do xustificante deste ingreso cando a praza estará reservada.

- Anulación da matrícula: de solicitares a baixa no obradoiro, sen xustificar motivos de forza maior e se non se ocupa esa praza reservada, perderías o importe da matrícula. Do mesmo xeito, de non realizarse a formación por parte da organización, o importe da matrícula seríache devolto.
Máis información no teléfono (0034) 981 582 836 e no correo electrónico info@festiclown.org

* As persoas participantes deberán ter polo menos 18 anos, ou contar coa aceptación d@ docente e permiso d@ nai/pai ou titor/a.
* Para que a formación teña lugar, debe cubrirse o cupo mínimo de prazas.
* Recoméndase a todas as persoas participantes vestir roupa e calzado cómodo.

* Por respecto ao/á docente e ao resto do alumnado, é imprescindible a puntualidade en todas e cada unha das sesións dos cursos. Neste sentido, a organización reserva para si o dereito de non permitir o acceso do alumnado ao curso unha vez iniciado, se así o indica o/a profesor/a.

* Os medios de comunicación e a organización poderán ter acceso controlado aos obradoiros, co coñecemento e consentimento previo das persoas participantes, para tomaren imaxes do mesmo.

O clown: do ridículo ao cómico. Antón Valén. Mércores 9 e xoves  10

Hai dous tipos de clown: o que se basea no que os individuos temos dentro e se proxecta desde nós, e os que toman o clown como personaxe. Antón Valén aposta polo primeiro, por traballar desde o ridículo, con autenticidade e personalidade, a través de xogos escénicos para que o alumnado descubra o seu clown interior. Ferramentas que traballan coa reacción dos demais, coa espontaneidade, coa escoita e a perda da vergoña, o medo, a timidez… Buscaremos o noso propio ridículo para chegar ao clown que somos.

Antón Valén ingresa en 1993 como profesor de interpretación xestual e clown na Escola Superior de Arte Dramática de Murcia ataé 2002. Dirixiu a varias compañías teatrais de Comedia dell´Arte e Clown. Foi seleccionado por Slava Polunin para traballar como clown no espectáculo “Alegría” do Cirque du Soleil, co que realiza unha xira mundial durante cinco anos (2002-2007). Imparte cursos de clown, bufón e técnica actoral, tanto dentro como fóra de España. É o director artístico da Escola da Comicidade de Galicia e Tenerife formada en 2012 xunto con Iván Prado.

Curando co riso. Laura “Mandarina” Muñoz. Venres 11 e sábado 12

Breve introdución ao oficio de levarlles sorrisos aos nenos e nenas e ás súas familias nos hospitais. Un/ha pallas@ de hospital debe ter a vista, oido e olfato moi ben desenvolvidos para percibir o que necesita cada nen@. É un traballo personalizado, delicado e sutil. Abordaremos temas coma a empatía, a escoita, a improvisación e o xogo, e como empregalos dependendo da idade e características d@ nen@ e a súa familia, e do entorno hospitalario

Laura “Mandarina” Muñoz e clown e colabora como artista hospitalaria desde o 2008 coa Fundación Theodora en diferentes hospitais de Barcelona, Galicia e Madrid. Naceu en 1975 en Bos Aires, e licenciouse como actriz no Conservatorio de Arte Dramática. En 1999 tropeza co clown. No ano 2005 funda a compañía Mundo Mandarina, onde crea, actúa e produce os seus propios espectáculos combinando clown, maxia, títeres, monólogos e teatro físico, tanto para público infantil como adulto. Levou o Premio do Público da Mostra de Pallasos de Xirivella, ao Mellor espectáculo de Sala e Premio do Xurado no Festival Farándula de Gran Canaria, o Premio do Público do FAST de Torredembarra e o Premio do Público en Festiclown en 2009 e 2015.

Maxia Cómica. Mago Teto.  Luns 14 e martes 15

Risa e asombro van unidos, ás veces, de modo case automático. As risas veñen automaticamente como descarga da tensión fisiolóxica que produce o asombro. Por iso van ás veces unidos risa e asombro. Por iso tan a miúdo os magos combinan maxia e comedia. E por iso, desde os comenzos dos tempos, a figura do mago aparece mesturada coa figura do bufón, coa figura do cómico, coa figura do titiriteiro e saltimbanqui festivos... Neste curso teórico-práctico, aprenderemos a aplicar o humor ao servizo da maxia para conseguirmos un maior efecto máxico, compostos por efectos máxica cómica e gags.

O Mago Teto é un dos magos máis veteranos e relevantes de Galicia. Habitual na Televisión desde os seus inicios, goza de gran popularidade e recoñecemento. Ten espectáculos de rúa (como “O Afilador”) ou de gran formato ("A Maxia da Santa Compaña" e "Os anos 80 vistos polo mago Teto") e todoterreos como os seus clásicos "Tolemaxias" e "Perto de ti". Organizador de festivales de maxia en diversas partes de España, Teto é un dos perfís máis completos e orixinais da maxia polo seu humor, personalidade e nivel técnico.

Publicar un comentario

[facebook]

MKRdezign

{facebook#https://www.facebook.com/alcaine} {twitter#https://twitter.com/guiavilagarcia} {google-plus#YOUR_SOCIAL_PROFILE_URL} {pinterest#YOUR_SOCIAL_PROFILE_URL} {youtube#YOUR_SOCIAL_PROFILE_URL} {instagram#YOUR_SOCIAL_PROFILE_URL}

Formulario de contacto

Nombre

Correo electrónico *

Mensaje *

Con la tecnología de Blogger.
Javascript DisablePlease Enable Javascript To See All Widget